ILOILO CITY – Magapatigayon sang augmentation ang Police Regional Office VI (PRO 6) sa Police Regional Office XI (PRO 11) agud magbulig sa ila operasyon sa Kingdom of Jesus Christ (KOJC) compound sa Davao City agud maserbe ang arrest warrant batok sa lider sang grupo nga si Pastor Apollo Quiboloy.
Sa interview sang Bombo Radyo kay Police Lt. Col. Arnel Solis, spokesperson sang PRO 6, iya ginpahayag nga 100 ka mga pulis ang ila ipadala sa Davao City.
Suno kay Solis, ang nasambit nga mga pulis ang magahalin sa Iloilo Police Provincial Office kag Iloilo City Police Office.
Ang mga pulis sa Western Visayas ang magabulig sa linibo ka mga pulis agud makit-an si Quiboloy
Sa subong, ginahulat na lang ang mando halin sa Philippine National Headquarters agud ipadala na ang mga pulis sa Davao City.
