Gin-cite in contempt ang official sang Bureau of Corrections (BuCor), nga amo ang in-charge sang Davao Penal and Prison Farm sang ginpatay ang tatlo ka preso nga Chinese nationals sang Agusto 2016.
Ini bangud sa pagbinutig kag pagbalibad nga magsabat tuhoy sa detalye sang insidente.
Kadungan ini sang ginpatigayon nga third hearing sang quad-committee subong nga adlaw.
Ang apat ka panels — committee on dangerous drugs, committee on public order and safety, committee on human rights, committee on public accounts — ang ginmanduan nga mag-imbestigar sa posible correlation sa tunga sang illegal activities sa Pogos, illicit drug trade, kag posible human rights violations sa drug war.
Sa tion sang hearing , ginpamilit ni BuCor Supt. Gerardo Padilla nga indi siya involved sa pagpatay kay Chu Kin Tung, Jackson Lee, kag Peter Wang sa Davao Penal Farm kag ginapatihan nga si former president Rodrigo Duterte ang nagmando sang pagpatay sa ila.
Suno kay Padilla, wala siya nakabaton sang tawag halin kay Duterte nga naga- congratulate sa iya sa pagpatay sa tatlo, baliskad sa claims sang self-confessed hitman nga si Leopoldo Tan.
Apang ang nagpainit sang ulo sang mga mamalidha amo ang pagpamilit ni Padilla nga wala ini sang ihibalo sa order nga i- transfer ang Chinese nationals sa pareho nga solitary confinement cell kun sa diin ginbutang si Tan kag kaangay nga hitman nga si Fernando Magdadaro kag gindugang nga wala naghalin sa iya ang ulihi nga order.
Sang napaslawan si Padilla ng direkta nga magsabat sa pamangkot ni Santa Rosa City Rep. Dan Fernandez tuhoy sa kun sin-o ang nag-order sa pag- transfer sa mga Chinese inmates, nagtaas ang tingog ni Abang Lingkod party-list Rep. Joseph Stephen Paduano kag nag-demand nga pangalanan ni Padilla ang tawo sa likod sang direktiba.
