Patay ang isa ka 57-anyos nga lalaki matapos nga gintiro ini samtang nagapanglaba sa atubang sang iya balay sa Tondo, Manila
Ang suspek sa krimen amo ang amay sang dalagita nga ginaalegar nga ginhimuslan sang biktima.
Nakit-an man sa CCTV camera ang suspek nga isa ka security guard nga kalmado nga naghalin palayo sa lugar kun sa diin niya ginluthang ang lalaki.
Bangud sa kuha sa CCTV camera, natumod ang 42-anyos na suspek kag naaresto.
Suno sa otoridad, naakig ang suspek sa biktima nga iya man lang himata sang madiskubrehan sini ang ginhimo nga paghimulos sa iya nga 15-anyos nga anak nga babae sa tion nga nagapamasahe ang biktima.
Nagdesisyon ang suspek nga patyon ang biktima sang mahibaluan nga indi ini gilayon nga maaaresto bangud sang nagligad nga tuig pa natabo ang paghimulos kag kinahanglan pa nila nga magdemanda sa korte.
Wala naman sang ano man nga paghinulsol ang suspek nga amay bangud hustisya ini para sa iya anak.
