Nagsaka pa sa 14 ang ginpahayag nga patay bangud sa Tropical Storm “Enteng” sa Pilipinas.
Suno kay Calabarzon Police Regional Office spokesperson Lt. Col. Chitatel Gaoiran, siyam sa mga napatay ang narecord sa Rizal.
Lima sa mga napatay ang bangud sa pagkalumos, apat ang natampukan sang duta sa landslide kag ang iban naman nga biktima ang padayon nga gina-validate kun naangot sa Enteng ang ila kamatayon.
Sa Bicol, duha ang ginreport nga napatay .
Suno naman sa National Disaster Risk Reduction and Management Council (NDRRMC) , may duha man nga napatay sa Central Visayas kag isa sa Western Visayas.
Base sa situation report, yara na sa 37,867 families ukon 147,024 individuals ang apektado sa Central Luzon, Calabarzon, Bicol, Western Visayas, kag Metro Manila.
Suno sa ahensya, may na-monitor sila nga 284 ka insidente sang baha sa Central Luzon, Calabarzon, Bicol, Western Visayas, Central Visayas kag Metro Manila.
Una na ginpahayag ni Presidente Ferdinand Marcos Jr. nga masobra P3.1 billion nga balor sang pagkaon, non-food relief items, health logistics kag cash ang naka-standby kag handa pahulagon kag ipanagtag sa mga apektado ni Enteng.
