Magapabilin si dismissed Bamban, Tarlac Mayor Alice Guo sa kustodiya sang Philippine National Police (PNP) apisar nga gin-cite in contempt na ini sa Senado bangud sa pagbinutig sa hearing kahapon.
Suno kay Senator Risa Hontiveros, didto anay si Guo sa kustodiya sang pulis samtang wala pa na-resolve ang legal issues nga nagapalibot sa kaso nga graft nga ginpasaka sa iya sa Tarlac Regional Trial Court.
Apang pasalig sang senadora, magasulat siya sa korte kag respetuhon sini ang desisyon sang Judiciary.
Magapakig-angot man ang Office of the Senate Sergeant-at-Arms sa PNP para sa posible nga turnover kay Guo sa Senate kun magpyansa na ini ukon kun may pinal na nga desisyon sa isyu sang jurisdiction sa korte nga nag-isyu sang judicial warrant.
Antes na-contempt si Alice kahapon, nagpamikon na ang mga senador bangud indi ini magsabat sa pamangkot kun paano siya nakapalagyo sa Pilipinas.
Sulit-sulit nga ginpahayag ni Guo nga nahadlok siya para sa iya safety kag nag-request pa sang closed-door session agud mabulgar ang detalye sang iya pagpalagyo.
Nag-release naman sang statement si Hontiveros kahapon, Septyembre 9, kaangot sa pagpakatig-a ni Guo ukon ang Chinese national nga si Guo Hua Ping.
“Mukhang malalim pa ang hahalungkatin natin para maabot ang katotohanan. At Guo Hua Ping, alias Alice Guo- kahit anong subok mo, hindi mo maipapaikot ang Senado. Hindi ako naniniwala na walang Pilipino ang tumulong para makalabas ka ng Pilipinas. Hindi ako naniniwala na walang opisyales ng gobyerno ang tumulong sayo,” suno sa senadora.
Dugang sini, “I remind the resource persons and the body na ang right against self incrimination ay hindi mahiwagang anting-anting para makaiwas sa napaka-sisimpleng tanong ng Senado. Guo Hua Ping, wag mo naman kaming tuluyan na insultuhin.”
Tubtub indi magsugid sang matuod si Guo suno kay Hontiveros, magapabilin ang contempt citation.
“Hanggang di ka mag sabi ng totoo, Guo Hua Ping, your contempt citation stands. At kung Ikaw ay totoong natatakot para sa buhay mo, sa tingin ko- ang pagsasabi ng katotohanan ang mas makakaprotekta sa yo.”
Matandaan nga sang nagligad nga semana napabalik diri sa Pilipinas si Guo matapos nadakpan sa Tangerang City, Indonesia apang gin-alegar sini nga may death threats sa iya kabuhi.#
