Tatlo ka weather system ang nagaapekto subong sa pungsod.
Una ang Southwest Monsoon ukon Habagat ang nagaapekto sa Southern Luzon, Visayas, kag Mindanao.
Ikaduha ang Low Pressure Area (LPA) nga nasiplatan sa kalayun nga 385-kilometer East Northeast sang Casiguran, Aurora ukon 400-kilometer East sang Tuguegarao.
Subong nga adlaw, dako ang tyansa nga mangin bagyo ini kag pagatawgon nga Bagyo Gener.
Sa tion nga ini ang mangin isa ka bagyo, magabatak sang Tropical Cyclone Wind Signal sa Cagayan Valley.
Ikatatlo amo ang Tropical Storm nga may international name nga Pulasan nga nasiplatan sa kalayuon nga 2,215-kilometer East sang Southern Luzon.
Ang Malaysia amo ang naghatag sang pangalan nga Pulasan sa diin isa ini ka sahi sang prutas sa nasambit nga pungsod.
Wala pa ini sang direkta nga epekto sa pungsod.
Manubo naman ang tyansa sini nga mag-landfall.
Apang kun mangin bagyo, pagatawgon ini nga Helen.
Posible nga magsulod ini sa Pilipinas sa bwas, Martes ukon sa Myerkules.
