Nag-landfall na kagab-i ang Tropical Depression ukon ni Bagyo Gener sa banwa sang Palanan, Isabela.
Napabilin ni Bagyo Gener ang iya kabaskugon samtang nagahulag pa-nakatundan sang Northern Luzon.
Ulihi ini nga nasiplatan sa vicinity sang Alicia, Isabela.
Dala sini ang kabaskugon sang hangin nga nagadangat sa 55km/h kag pagmadlos nga tubtob sa 70km/h.
Nagahulag ini pa nakatundan sa kadasigon nga 30km/h.
Nagadala naman ini sang malain nga panahon sa Luzon.
Sa Visayas, nagaapekto ang Southern Luzon ukon Habagat nga ginpabaskog ni Bagyo Gener.
Base sa latest track sang Bombo Weather Center, magapadulong na ini sa West Philippine Sea karon sa hapon kag magwa na ini sa Pilipinas bwas sa kaagahon.
Yari ang mga lugar nga napaidalom sa Tropical Cyclone Wind Signal No. 1 sa diin may yara sang minimal to minor nga pamahog sa kabuhi kag propedad:
Luzon:
Cagayan lakip na ang Babuyan Islands, Isabela, Quirino, Nueva Vizcaya, Apayao, Kalinga, Abra, Ifugao, Mountain Province, Benguet, Ilocos Norte, Ilocos Sur, La Union, Pangasinan, Zambales, Tarlac, Nueva Ecija, Pampanga, Bulacan, northern kag central portions sang Bataan, Aurora, northern portion sang Quezon lakip na ang Polillo Islands, northern portions sang Rizal, kag northern portion sang Metro Manila.
