ILOILO CITY – Mainit nga gin-abi abi si former Iloilo City Mayor Jed Patrick Mabilog kadungan sang pagbisita sini sa Iloilo City Hall subong nga adlaw.
Naghibi naman ang anay alkalde matapos ginsugata ini sang mga empleyado sang Iloilo City Hall, iya mga abyan kag mga anay naka-upod sa politika.
Nagkamustahanay kag nagkup-anay naman sanday Mabilog kag Iloilo City Mayor Jerry Treñas sang nagkit-anay ang mga ini.
Suno kay Mabilog, ginakabig niya si Treñas nga mentor sa patag sang potilika.
Matandaan nga sang nangin alkalde si Mabilog, si Treñas ang nagapungko bilang kongresista sa syudad.
Samtang, ginpahayag naman ni Treñas nga sa kadugayon nila nga pag-updanay ni Mabilog sa politika, wala ang mga ini nakaagi nga nag-away.
Ginpakigbahin man ni Treñas nga sang tion ni sang administrasyon ni former President Rodrigo Duterte, ginakontra man siya.
Nagapati naman ini nga bangud ini sa manubo nga nakuha nga boto ni Duterte sang eleksyon.
