Lain-lain ang reaksyon sang publiko ilabi na sang pageant fans sang ginkakas sang Miss Universe organization ang pila ka restrictions kaangay sang edad kag marital status.
Ginpasugtan man sini pati ang mga babaye nga may mga bata na nga mag-intra sa kumpetisyon.
Mahimo nga may nakit-an ka nga nga trentahon ang edad, apang nakakita ka na bala sang performance sang isa ka 80-anyos nga Lola?
Siya si Choi Soon-hwa nga amo ang pinakatigulang nga kandidata sa Miss Universe South Korea 2024.
Ginbun-ag siya Choi sang World War II kag isa siya ka survivor sang Korean War.
Magluwas nga isa nga isa na ka Lola, isa man siya ka professional model matapos nadiskubrehan ang iya potensyal sa pag-modelo sang siya naga-edad sang 76.
Suno kay Choi, sang nahibal-an niya nga wala na sang age limit, nag-desisyon siya nga magsulod sa pageant bilang katumanan sang iya handum sang una.
Ginsaysay sini nga ginpahigad niya anay ang iya handum nga mangin fashion model sang una kag ginpasulabi ang iya pamilya.
Sa pagkamatuod, nakaobra pa siya sa ospital bilang nursing assistant agud nga mabayaran ang ila daku nga utang.
Subong nga wala na ini sang ginkasakuan, naga-focus ini sa iya kaugalingon kag tuman ang iya kalipay bangud suportado sang iya mga anak kag mga apo ang iya pag-intra sa kumpetisyon.
Bisan tigulang na, madamo gid ang nagadayaw sa makinis sini nga panit kag katahum ni Lola Choi.
Ang magadaog sa kumpetisyon amo man sa iban nga national franchise amo ang magatiglawas sang ila tagsa ka pungsod sa Miss Universe 2024 sa Mexico.
