Ginbaton ni Vice President Kamala Harris ang imbitasyon nga makig-debate liwat kay former President Donald Trump sa Oktubre 23 sinemana ang nabilin antes ang November presidential elections sa Estados Unidos sang Amerika.
Suno sa kampo sang bise-presidente, handa si Harris nga atubangon liwat si Trump sa entablado.
Iya ini sang CNN network nga kun matabo amo na ang ikaduha nga presidential debate sa tunga sang former president kag current vice president.
“It would be unprecedented in modern history for there to just be one general election debate,” pahayag sang Harris-Walz campaign chair nga si Jen O’Malley Dillon. “Debates offer a unique chance for voters to see the candidates side by side and take stock of their competing visions for America.”
Ginpahayag naman sang Republican leader sa rally sa Wilmington, North Carolina nga atrasado na nga magpatigayon pa sang debate bangud nakaumpisa na sa pagboto ang Americans sa 2024 election.
Pahayag ni Trump, gusto lamang ni Harris nga mag-rematch sila sa debate bangud nakit-an na sini nga nagakalutos na siya.
Una nga nagkitaay ang duha sa presidential debate sa Philadelphia sang Septyembre 10 kun sa diin matunog nga ginsinggitan sang Democrats nga nakabawi sila kag nagdaog ang Democratic nominee, apang nagpanindugan naman si Trump nga siya ang mas nangibabaw.
Nahibalaun nga nagsugod na ang una nga in-person voting sa Minnesota, Virginia kag South Dakota kag may pila na ka postal ballots nga napadala antes sini.
