Nagakahangawa si United Nations (UN) Secretary-General António Guterres nga matabo man sa Lebanon ang sitwasyon sang Gaza nga halos ginpulbos sang Israel bangud sa binulan na nga gyera bilang balos sa militante nga Hamas.
Ini ang pahayag sang UN Chief samtang nagasangkad pa ang away sang Hezbollah batok sa Israel Defense Forces (IDF).
“It is for me clear that both sides are not interested in a ceasefire. And that is a tragedy, because this is a war that must stop,” suno kay Guterres. “Neither the government of Israel nor the Hamas really want the ceasefire.”
Pahayag sini, ang pagsinigabong sang communication devices sa Lebanon sang nagligad nga semana ang signos na sang “potential” nga mas daku nga away nga panibag-o na naman nga trahedya sa Middle East.
Gindugangan pa ini sang pagpatay sang Israel sa Hezbollah commanders sang nagligad nga adlaw kun sa diiin 45 ang napatay sa isa lang ka aistrike.
Sini lang nga weekend, ginpasagunsunan pa ini sang Israel sang 300 strikes bilang preemptive action sa ginaalegar plano sang Hezbollah nga mag-atake.
Sa subong wala pa sang mga Pilipino nga na-report nga nasamaran apang sila ang gina-abisuhan nga magpauli na samtang may yara pa sang commercial flights.
