Gintalikdan sang 21-anyos nga Houston forward nga si AJ Griffin ang karera sini sa National Basketball Association (NBA) agud pasulabihon ang full-time ministry.
Pahayag sini, “I gave up basketball to follow Jesus.”
Sang 2022, matandaan nga ginpili sang Atlanta Hawks si Griffin sa first round sang NBA Draft.
Antes ang 2024-2025 season, nakahampang ini sang 92 games kag may average nga 7.5 puntos kag 17.1 minutes per game.
Sang offseason, gin-trade siya halin sa Hawks pakadto sa Houston Rockets, kabaylo sang 43rd overall pick nga si Nikola Durisic halin naman sa Miami Heat.
“I know that in a lot of people’s eyes, that seems like, it seems like a loss in the world’s eyes. But I just want to let you guys know that I’m super excited because I truly get to serve God, you know, with my full Yes, and I feel like letting go of basketball is allowing me to, you know, go into full-time ministry and truly serving the Lord with all my heart — with all my time too, as well. So, I’m just excited to see where that leads me,” paathag sini sa iya desisyon nga mag-retiro sang temprano.
Si Griffin nga tumandok sang Texas indi amo ang una nga NBA player nga nagdesisyon nga untaton ang karera sa basketball kag idedikar ang kabuhi sa pagtuo.
Sang 2019, matandaan nga nag-retiro man sa NBA ang veteran point guard nga si Darren Collison matapos ang 10 ka seasons agud nga matutukan ang iya pamilya kag pagtuluuhan.
Nakahampang siya sa New Orleans Hornets, Indiana Pacers, Dallas Mavericks, LA Clippers kag Sacramento Kings.
“While I still love basketball, I know there is something more important, which is my family and my faith,” paathag ni Collison sang amo nga tion. “I am one of Jehovah’s Witnesses and my faith means everything to me. I receive so much joy from volunteering to help others and participate in a worldwide ministry. The joy I feel is unmatched. With that being said, I have decided to retire from the NBA.”
