Nagpangayo sang sorry si self-confessed drug lord Kerwin Espinosa kay anay senador Atty. Leila de Lima bangud sa pag-ulamid sa iya sa iligal nga droga sa Pilipinas.
Kasunod ini sang ginbulgar ni Espinosa sa hearing sang House quad-committee nga ginpilit lang siya ni former Philippine National Police (PNP) chief kag subong Senator Ronald ‘Bato’ Dela Rosa nga itudlo sanday de Lima kag ang Cebu-based businessman nga si Peter Lim.
Suno kay Espinosa, nakahanda siya nga atubangon kun ano man ang himuon sa iya sang anay senadora.
May mensahe man si Espinosa kay dela Rosa kag anay Presidente Rodrigo Duterte nga naulamid man sa iya testimonya.
