𝗜𝗟𝗢𝗜𝗟𝗢 – Ginpamatud-an sang isa ka ati nga indi upang sa iya handom nga mangin manunudlo ang sitwasyon sini bilang myembro sang Indigenous Peoples.
Ini ang kadungan man sang pagsaulog sang National Indigenous Peoples Month subong nga Oktubre.
Sa interview sang Bombo Radyo kay Rodalyn Mateo, sang Leong, Cabatuan, Iloilo, iya ginpahayag nga siya ang subang sa pito ka mag-utod.
Ang mga ginikanan sini ang nagalibod naman sang silhig.
Sa bulig sang iya maninoy, nagtapos si Mateo sang kurso nga education sa Iloilo Science and Technology University (ISATU) sa La Paz, Iloilo City.
Suno kay Mateo, nangin scholar man ini sa ila banwa sa diin nangin dako man ini nga bulig sa iya pagtuon.
Tatlo ka beses naman ini nga nagkuha sang pasinawan, apang wala ini nag-untat tubtob nga nakapasar.
Sa subong, isa na si Mateo ka manunudlo sa Calinog, Iloilo sa idalom sa Local School Board.
