Ginalantaw sang mga ekonomista nga posible magsaka liwat ang inflation rate sa Oktubre bangud sa indi maayo nga tiyempo kag sunod-sunod nga fuel price hikes.
Sa bulan lamang sang Oktubre, ang pump price adjustments ang may yara sang net increase nga P2.80 per liter sa gasoline, P4.60 per liter sa diesel, kag P3.25 per liter sa kerosene.
Bangud sa pagsaka sini, nangin isa man ini sa mga rason sa pagtaas sang presyo sang food items kaangay sa utan, prutas, isda, kag itlog.
Magluwas diri, naglaslas pa si Bagyo Kristine kag nagbilin sang P5.75 billion nga balor sang halit sa agrikultura sandig sa latest bulletin sang Department of Agriculture.
Bangud sini, ginalantaw sang analysts nga mahimo magtupa sa 2.3 percent sa October nga mas mataas sa 1.9 percent sang September.
Apang sulod gihapon ini sa 2-4 percent target sang Bangko Sentral ng Pilipinas sa nagligad nga bulan.
Magasulod man ini sa 2-2.8 percent month-ahead forecast sang central bank.
Natalana nga ipaguwa sang Philippine Statistics Authority (PSA) ang October inflation buwas, Nov. 5.
