Natapos lang ang ika-10 nga drug war hearing sang quad committee sa Kamara apang wala gid nagpakita si former President Rodrigo Duterte bangud una naman sini gin-athag nga duda siya sa integridad sang joint committee.
Wala naman napunggan ni Abang Lingkod Party-list Rep. Joseph Stephen Paduano nga ipakita nga dismayado siya sa pag-absent sang former chief executive.
Suno kay Paduano nga isa sa apat ka mga chairman sang quad comm, daw kaangay nga naga-intuanay na lamang sila bangud una naman nagpromisa si Duterte nga matambong pagkatapos sang Nobyembre 1.
Ginkwestyon man sini kun nahadlok ang former president nga magpakita sang iya kaugalingon sa Kamara bangud nga nagpakita man gani ini sa Senate Hearing sang Oktubre 28.
“Malinaw po Mr. Chairman na naglolokohan tayo dito, naglolokohan tayo dito, because the first letter promised us that he will be present after nov 1. kung hindi tayo naglolokohan dito, ano natatakot siya na pumunta dito?” suno kay Paduano.
Nag-manifest man si House Deputy Speaker kag Quezon Rep. David Suarez nga wala siya nanamian sa pag-absent ni Duterte sa hearing.
“I would like to manifest Mr. Chair my disappointment that our former President is absent today. In fact dito po talaga malalaman yung katotohanan pag nabibigyan natin ng pagkakataon ang mga tao na magsalita at magpaliwanag at kung hindi po natin bubuksan ang mga usapin na mabibigat at mahihirap pano po natin mabibigyan ng hustisya at katarungan at sagot sa maraming tanong na bumabalot sa ating bansa,” suno kay Suarez.
ISYU KAY BATO DELA ROSA
Ginkwestyon man ni Paduano ang partisipasyon ni Senator Ronald ‘Bato’ Dela Rosa sa imbestigasyon sang Senado sa drug war sang Duterte administration.
Dapat suno kay Paduano nga magpakita man si Dela Rosa sang “courtesy” sa iya official responsibility bilang myembro sang Senate kag dapat nga nagpungko siya kuntani bilang resource person.
“He also admitted that there were killings attributed to the war because of alleged cases of gun violence. In short, he was not only involved but was in fact one of the figureheads of the campaign during its inception,” pahayag sini.
Ginplastar sini kun daw ano ka sala nga si dela Rosa ang isa sa maga-imbestigar sa drug war bisan nga siya man ang isa sa may pinakadaku nga papel sa war on drugs bangud nakapungko siya bilang chief sang Philippine National Police (PNP) sang panahon ni Duterte.
“Clearly, this is a conflict of interest on his part. At the very least, he should have inhibited from the proceedings and instead offered himself as a resource person so as not to influence and intimidate the other guests,” dugang sang quad comm co-chairman.
Una na nga ginplastar ni Duterte nga agud makakinot sa tiyempo kag kuwarta sang publiko, indi na siya mag-attend sa House quad comm hearing kag gin-suhestyon nga magkuha na lang sang transcript sa hearing sang Senado sang Oktubre 28 bangud nahambal na niya ang iya panindugan sa drug war.#
