𝗜𝗟𝗢𝗜𝗟𝗢 𝗖𝗜𝗧𝗬 – Maga-upod ang Archdiocese of Jaro sa Dugong Bombo 2024 sa Iloilo Science and Technology University sa La Paz, Iloilo City sa Sabado, Nobyembre 16.
Sa interview sang Bombo Radyo kay Msgr. Meliton Oso, director sang Jaro Archdiocesan Social Action Center (JASAC), iya ginpahayag nga ang pagdonar sang dugo ang wala nagakinahanglan sang kwarta kundi tyempo lang kag dugo.
Suno kay Oso, ini ang isa ka simple nga pamaagi sa pagpakita sang kabalaka sa isigkatawo nga nagakinahanglan sang dugo.
Magluwas sa mga empleyado kag volunteers sang JASAC, maga-upod man ang mga reflexologist.
