Ginkadlawan lamang ni Vice President Sara Duterte ang pahayag sang iya amay nga si former President Rodrigo Duterte nga dapat magbiya na siya sa pulitika sa labing-madali nga tion.
Sa statement ni Duterte sang nagligad nga semana, ginsiling sini nga mas maayo pa nga mag-negosyo na lang si Sara para nga matawhay kag indi na lang mag-ambisyon pa bangud bise-presidente naman ini sang pungsod.
“Si Inday, pasalamat ka na lang sa Diyos na ang tatay mo naging Presidente, ikaw naging Vice President. Bihirang-bihira yan, bihira sa isang pamilya. Hindi lahat ng pamilya sa Pilipinas… pasalamat na lang tayo. Now, as fast as you can, get out of politics,” pahayag sang former president.
Apisar nagayuhom-yuhom, nagpahayag naman ang bise-presidente nga magaabot ang tion nga magahalin siya, apang subong suno sa iya, kinahanglan niya tindugan ang katungdanan sa 32.2 million Filipinos nga nagboto sa iya sa posisyon.
“Pagkatapos niya akong sinabi na tumakbo ako nang tumakbo, tumakbo akong mayor, tumakbo akong vice mayor, [tapos] sabihan niya ako no’n,” suno sa vice president sa press conference sa Bacolod City, Nobyembre 11.
“Darating din tayo doon na hindi na ako sasali sa politics. Ako man gusto ko rin. Ang problema ko is that I need to answer to 32.2 million Filipinos who gave confidence and trust for me to become the vice president of everyone,” dugang sini.
Sentro subong si Sara sang imbestigasyon sa Kamara sa paggamit sang budget sang Office of the Vice President (OVP) kag Department of Education (DepEd) sang siya pa ang tiglikom sini.
Una na nga gintutukan sang mga kongresista ang natuhoy sa findings sang state auditors sa paggamit sang confidential funds sang OVP nga may yara sang inconsistent acknowledgement receipts.
Gina-insister naman ni Sara nga wala sang budget misuse kag ang congressional inquiry nga ginapatigayon batok sa iya ang makabiog nga test case lamang para sa ginaduso nga impeachment.
Sa iya press conference kahapon, ginsulit man ni Sara nga “politically motivated” ang mga hearing sa Kamara batok sa iya.
