Duha na lang subong ka mga Bagyo ang ginabantayan sa sulod kag sa gwa sang Philippine Area of Responsibility matapos nagwa na sa Philippine Area of Responsibility ang bagyo nga si Nika.
Una kita diri sa Tropical Storm Man-Yi nga yara sa gwa sang Philippine Area of Responsibility.
Ang sentro sang Tropical Storm Man-Yi ang ginabanta yara sa 2,210 km East sang Eastern Visayas.
Dala sini ang kabaskugon sang hangin nga nagadangat sa 75 km/h malapit sa sentro kag pagmadlos nga tubtob sa 90 km/h.
Nagahulag ini pa West southwestward sa kadasigon nga 30 km/h.
Samtang, nagbaskog pa kag nangin Typhoon na ang Bagyo nga si Ofel nga yara sa sulod sang Philippine Area of Responsibility.
Maga-landfall naman ini sa east coast sang Cagayan ukon Isabela sa bwas sang hapon.
Ang sentro sang Typhoon Ofel ang ginabanta yara sa 475 km East Northeast sang Virac, Catanduanes ukon 595 km East sang Daet, Camarines Norte.
Dala sini ang kabaskugon sang hangin nga nagadangat sa 120 km/h malapit sa sentro kag pagmadlos nga tubtob sa 150 km/h.
Nagahulag ini pa Westward sa kadasigon nga 25 km/h.
Sa subong, nabatak ang Tropical Cyclone Wind Signal No. 1 sa pila ka mga lugar sa Luzon, sa diin may yara sang minimal to minor nga pamahog sa kabuhi kag propedad.
Ini amo ang mga masunod:
Cagayan lakip na ang Babuyan Islands, northern kag central portions sang Isabela, Apayao, eastern portion sang Kalinga, easternmost portion sang Mountain Province kag easternmost portion sang Ifugao.
