Handa nga makig-partner kag makig-abyan liwat ang China sa Estados Unidos sang Amerika.
Suno ini kay Chinese ambassador to Washington Xie Feng sa iya speech sa Hong Kong kun sa diin gina-address ang Chinese officials kag ang US ambassador to China.
Pahayag sini, wala sang plano ang China nga lapawan ukon islan ang Estados Unidos sa estado sini subong.
Kabahin ini sang mga inisyal nga statement sang Beijing binulan antes ang pagbalik ni President-elect Donald Trump sa White House.
Gindugang sini nga maayo man ang Sino-US partnership ilabi na bangud maka-trabaho sila sa areas lakip na sa trade, agriculture, energy, artificial intelligence kag public health.
Nagpabati-bati man ini nga kinahanglan ang dayalogo para nga makaprangkahanay kag makapangita sang solusyon samtang nagaatubangay.
Gin-ako man sang Chinese envoy nga ang Taiwan amo gid ang biggest “flashpoint” sa kumplikto sa tunga sang Beijing kag Washington bangud gina-claim sang China nga ila ang Taiwan apang nagapanindugan naman sang Taipei nga may kaugalingon sila nga gobyerno kag indi kontrolado sang mainland China.
Sini nga weekend, natalana naman nga mag-istoryahanay (sa posible katapusan nga tion) sanday outgoing US President Joe Biden kag Chinese leader Xi Jin Ping. Matabo ini sa sidelines sang Asia-Pacific summit sa Peru.#
