Nagnubo ang presyo sang karne sang baboy sa pila ka mga merkado sa Iloilo City.
Sa interview sang Bombo Radyo kay Jerry Ibanez, isa ka vendor sa Mandurriao Public Market, iya ginpahayag nga 40 pesos gid ang ginnubo sa presyo kun sa diin halin sa P390, yara na ini subong sa P350.
Suno kay Ibañez, ang pagnubo sang presyo ang resulta sang bastante nga suplay sang baboy sa Iloilo.
Pahayag niya, duha na ka semana ang nagligad humalin sang nagnubo ang presyo sang karne sang baboy.
Dugang niya, bangud sini, posible nga wala man sang dako nga pagbag-o sa presyo sa Disyembre samtang nagahilapit ang Paskwa.
