Nagdeklarar sang emergency martial law si South Korean President Yoon Suk Yeol.
Suno kay Yoon, ini nga tikang ang importante agud protektahan ang pungsod gikan sa komunista nga pwersa sa tunga sang parliamentary nga tension tuhoy sa budget bill.
Ginpahayag ni Yoon nga agud mapangapinan ang liberal nga South Korea gikan sa pagpamahog sang communist forces sang North Korea kag mapapas ang anti-state elements, gindeklarar niya ang emergency martial law.
Suno pa sa presidente, ginhimo niya ang desisyon agud proteksyunan ang kahilwayan kag constitutional order bangud sa mga katapo sang opposition nga luyag i- paralyse ang administration paagi sa impeachment moves.
Indi pa maathag kun ano ang mga tikang nga himuon ukon kun paano maapektuhan ang pagpamuno kag demokrasya sa pungsod.
Humalin sang nagpungko sang 2022, nangin mabudlay para kay Yoon nga iduso ang iya agenda batok sa opposition-controlled parliament.
Dugang niya, wala sila sang choice kundi maghimo sang amo nga tikang bangud gina-hostage sang opposition parties ang parliamentary process agud ibutang sa krisis ang pungsod.
