Napadayon sang Pilipinas ang isa ka dekada na nga winning streak sa Miss Intercontinental pageant matapos gindeklarar ang tiglawas subong nga tuig nga si Alyssa Marie Redondo bilang second runner-up.
Ginpatigayon ang 2024 competition sa Egypt kun sa diin nakuha man ni Alyssa ang Best in Swimsuit award kag ang Power of Beauty Special award nga amo ang nag-fast-track sa iya sa Final 7.
Nagpasalamat naman ang 23-anyos nga nurse sa nangin kabahin sang iya pageant journey ilabi na sa iya pageant sisters nga nangin abyan naman niya.
“It has been an incredible experience!” kabahin sang mensahe sang beauty queen. “Beyond the crowns, I’m leaving with priceless friendships from around the world. All the hard work has truly paid off and I’m excited to see what the future holds.”
Nakuha sang Puerto Rico ang korona subong nga tuig samtang ang mga kandidata sang Venezuela, Vietnam, Germany, kag USA amo ang runners-up.
Duha pa lamang ka mga Pinay sa maragtas ang nakadaog sang Miss Intercontinental crown nga amo sanday Karen Gallman (2018) kag Cinderella Faye Obeñita (2021).
