Wala na ginkakibot sang gobyerno ang pahayag sang Panay Alliance Karapatan nga wala gintrato sang maayo sang Philippine National Police ang gin-aresto nga wanted person nga myembro sang New People’s Army (NPA).
Ini amo si Tomas Dominado nga may standing warrants of arrest sa kaso nga murder kag rebellion.
Sa nangin statement sang Panay Alliance Karapatan, ila gin-alegar nga gindalukan sang medical care si Dominado magluwas pa nga kaangay nga nangin premeditated abduction ang natabo.
Gin-alegar man sang grupo nga naglala ang kondisyon ni Dominado kag bisan pa maathag ang medical recommendations para sa iya ospitalisasyon, gindala si Tomas sa Mambusao sa baylo nga sa ospital.
Sa interview sang Bombo Radyo kay retired MGen. Rene Glen Paje, Regional Adviser on Peace and Security sang Office of the Presidential Adviser on Peace, Reconciliation and Unity, iya ginpahayag nga natural lang sa aktibista nga grupo nga magpagwa sang amo nga mga pahayag.
Suno kay Paje, luyag lamang sang grupo nga makuha ang simpatiya sang mga tawo kag ang ini nga taktika ang kabahin lang sang ila plano nga pakalainon ang gobyerno.
