Gin-ako sang Malacañang nga nag-request gid man ang Office of the President (OP) sa Kongreso sang dugang nga P5.2 billion budget para sa 2025.
Suno kay Executive Secretary Lucas Bersamin, katuyuan sini nga pondo nga maka-preparar sang temprano ang gobyerno para sa chairmanship sang ASEAN sa 2026.
Ginpahayag sang opisyal nga ang request para sa supplemental funds ang ginhimo matapos ginpasa sang Executive Department ang proposed National Expenditure Program sa Congress.
Matandaan nga una na gin-anunsyo nga ginbaton sang Pilipinas ang request sang regional bloc nga mangin chair sang ASEAN sa 2026 nga isa ka tuig nga mas temprano sangsa naka-schedule. Ini bangud may yara subong sang mga problema sa sitwasyon sang pulitika sa Myanmar halin sang nagpatigayon sang kudeta ang militar sang Pebrero 2021.
“Iyong ASEAN 2026 would have been done in Myanmar pero biglang umayaw iyong Myanmar kasi walang may gustong pumunta roon na heads of state because you know the problem about Myanmar. So, komo alphabetical iyong sequence ng pagho-hold ng ASEAN, letter P, Philippines ay next – inako ni Presidente iyan,” paathag ni Bersamin.
“Kasi hindi maaaring payagan natin na walang ASEAN – that’s a very important part of our international relations,” dugang ni Bersamin nga amo man ang Chairperson sang ASEAN National Organizing Council diri sa Pilipinas. “So ASEAN 2026 to be hosted by the Philippines, we needed to start the work now. “After 2025, we will ask for more, bigger, but that will be in the NEP that will be submitted in 2025 for 2026.”
