Nagpasalig si President Ferdinand Marcos Jr. nga ipadayon kag palig-unon pa sang iya administrasyon ang mga programa para sa edukasyon matapos malab-ot sang Pilipinas ang pinakamaayo sini nga performance sa Programme for International Student Assessment (PISA).
Base sa PISA 2025 results, nagsaka ang mean score sang Pilipinas sa science sa 373, mathematics sa 371 kag reading sa 367.
Ini nagakahulugan sang pagtaas sang 17 points sa science, 16 points sa mathematics kag 20 points sa reading kumpara sa resulta sang 2022.
Nalabawan man sang Pilipinas ang 14 ka mga pungsod sa science, 16 ka mga pungsod sa mathematics kag 18 ka mga pungsod sa reading.
Sa iya video statement, ginkilala ni Marcos nga isa ini ka maayo nga balita kag ginakilala niya ang kontribusyon sang mga manunudlo, ginikanan kag komunidad sa pag-uswag sang performance sang mga estudyante.
“Nabalitaan po natin, ngayon ngayon lang, na ang Pilipinas ang isa sa pinakamaganda ang performance sa pagpapaganda ng educational sector,” pahayag sang president.
Suno kay Marcos, ginapakita sang resulta nga may ikasarang ang mga estudyante sang Pilipinas, ilabi na kon makabaton sila sang nagakaigo nga suporta halin sa mga manunudlo kag komunidad.
“Kung ‘di naman po nakakatuwa ang balitang ‘yan, muli napapatunayan kung gaano kagagaling ang ating mga mag-aaral, na sila ay masipag at seryoso sa pag-aaral at kung gaano kagaling magturo ang ating mga guro basta sila ay suportado ng tama hindi lang ng gobyerno kundi ng buong komunidad, mga magulang, at lahat ng ating kababayan na tumutulong para maging maganda ang kinabukasan ng ating mga anak,” suno pa sa president.
“Ipagpapatuloy natin ang lahat ng ating ginagawa, nagsisimula pa lang tayo magtayo ng classroom, nagsimula pa lang tayo magpamigay ng internet, mga computer, nagsimula pa lang tayo mag imprenta ng libro, hindi po natin titigilan yan,” dugang niya.
Ang PISA isa ka international assessment nga nagatakos sang ihibalo kag kasampat sang 15-anyos nga mga estudyante sa reading, mathematics kag science.
Ginapangunahan Organisation for Economic Co-operation and Development ukon OECD ang assessment kag ginapartisiparhan sang mga 15-anyos nga estudyante halin sa masobra 90 ka mga pungsod kag ekonomiya.#
