Gin-report sang Department of Social Welfare and Development (DSWD) nga malapit sa lima ka milyon nga pigado nga mga Pilipino ang nabuligan sang Ayuda sa Kapos ang Kita Program (AKAP).
Suno kay DSWD Assistant Secretary Irene Dumlao, 99.31 percent sang P26.7-billion fund nga napain sa Akap ang nagamit sang ahensya.
Lakip diri ang 100 percent utilization rate sa Cagayan Valley (Region 2), Davao Region (Region 11), kag Caraga (Region 13).
Sa idalom sini nga programa, ang mga indibidwal nga may income nga P23,000 ukon panubo nga indi recipients sang iban nga government interventions ang mahimo makabaton sang one-time aid nga P5,000.
Mahimo ma-request sang beneficiaries ang Akap para sa medical, funeral, food, kag cash relief, kag ang maga-approve amo ang Crisis Intervention Units sang ahensya.
Isa ini sa items sa idalom sang 2025 national budget nga nakaangkon sang madamo nga kritisismo bangud ginapatihan nga ginagamit lang ini sa pulitika ilabi na bangud nagahilapit ang eleksyon.
