Nagdasig sang 2.9% ang inflation ukon ang pagtaas sang mga produkto ukon serbisyo sang Disyembre 2024.
Mas mataas ini kun ipaanggid sa 2.5% sang Nobyembre sang nagligad nga tuig.
Suno kay National Statistician kag Undersecretary Claire Dennis Mapa, ang inflation sang Disyembre 2024 ang mas manubo naman kun ipaanggid sa inflation sang Disyembre 2023 nga yara sa 3.9%.
Ang nagapanguna nga rason sang paglala sang inflation amo ang food and non-alcoholic beverages, housing, water, electricity, gas and other fuels, kag restaurants and accommodation services.
