Gin-akusahan ni anti-poverty czar Larry Gadon ang Supreme Court sang political bias.
Suno sa iya, ini bangud nga wala nagahulag ang high court sa disbarment cases batok kay Vice President Sara Duterte.
Si Gadon ang isa sa mga indibidwal nga nag-file sang disbarment case batok kay Duterte sang 2024 matapos pila ka beses nga ginbuyayaw kag ginpahog nga patyon si President Ferdinand Marcos Jr.
Pahayag ni Gadon, indi maghulag ang Supreme Court bangud nga kalabanan sa ila ang appointees ni former President Rodrigo Roa Duterte.
Una na nagpanawagan si Gadon sa Supreme Court nga mag-initiate sang motu propio proceeding of disbarment batok kay Duterte bangud sa pag- issue sang statement nga illegal kag immoral.
Gintawag pa ni Gadon ang Supreme Court nga anti-Marcos bangud bilang isa ka Marcos loyalist suno sa iya, madasig siya nga gin-disbar sa mas manubo lang nga offense.
Nahibaluan nga duha lamang sa 14 ka Supreme Court magistrates subong ang indi appointees ni former President Duterte.
