Magasugod na karon sa gab-i ang food festival and bazaar sa Iloilo Provincial Capitol may kaangtanan sa Dinagyang Festival 2025.
Sa interview sang Bombo Radyo kay Aulynn Yue Sin, officer sang Local Economic Development and Investment Promotion sang probinsya, iya ginpahayag nga may yara sang 50 ka mga kiosko nga magabaligya sang mga pagkaon sa food festival area sa Muelle Loney.
Suno sa LEDIP Officer, may yara man sang 23 ka mga merchants sa bazaars nga ipahamtang sa Capitol Park kun sa diin nanuhay-tuhay nga mga produkto ukon non-food items ang sarang mabakal sang mga tawo.
May yara man sang live entertainment para sa mga bisita.
Si Goverrnor Arthur Defensor mismo ang magabukas sang food festival and bazaar nga magalawig tubtob sa Enero 26.
