Gintay-og sang Lakers kag Mavericks ang NBA world matapos gin-reporr nga nahitso na ang negosasyon para i-trade si Luka Doncic sa Los Angeles samtang isaylo naman si Anthony Davis sa Dallas.
Tumalagsahon ini nga trade nga wala ginahauman subong nga tuig ilabi na samtang nagapadayon ang All-NBA selections.
Magluwas sa pagbaylo sang duha ka players, makuha man sang Lakers sanday Maxi Kleber kag Markieff Morris, samtang batunon naman sang Mavericks si Max Christie kag ang first-round draft pick sa 2029.
Mabaton naman sang Utah Jazz si Jalen Hood-Schifino, 2025 second-round pick via Los Angeles Clippers kag ang 2025 second-round pick sang Mavs.
Base sa reports, ang Mavs ang nagtanyag sa Lakers nga i-trade si Doncic, samtang nagapati naman ang Los Angeles nga ang five-time All Star player ang sarang mangin nawong sa ila nga franchise sa palaabuton.
Pananglitan mangin pormal na ang trade, makita si Doncic nga magahampang sa Los Angeles kaupod si LeBron James sa iya ika-22 na nga NBA season.
Pareho nga wala nakahampang subong sa ila teams sanday Doncic kag Davis bangud sa injuries.
Suno sa Mavs, isa ka bulan pa ang kinahanglan nga pahuway ni Doncic samtang sa masunod nga semana naman ang reevaluation kay Davis.
Nahibaluan nga may 28-19 record ang Lakers sa Western Conference samtang may 26-23 naman ang Mavs sa latest figures halin sa amo man nga conference sa liga.
