Ginkumpirma sang United States Indo-Pacific Command (INDOPACOM) nga isa ka soldado sang Estados Unidos sang Amerika kag tatlo ka defense contractors ang napatay sa pagtibusok sang eroplano sa Barangay Malatimon sa Ampatuan, Maguindanao del Sur kahapon sang hapon.
Base sa statement sang unified combatant command, ini nga eroplano ang na-contract sang U.S. Department of Defense (DoD) kag nagahatag sang intelligence, surveillance kag reconnaissance support kun may request ang mga kaalyado sini sa Pilipinas.
Sang natabo ang plane crash, ginpahayag nga nagapatigayon sang routine mission ang aircraft bilang kabahin sang U.S.-Philippine security cooperation activities.
Wala sang survivors sa amo nga insidente apang wala ginpaguwa ang pangalan sang mga personnel nga napatay bangud kinahanglan anay unahon sa pagpahibalo ang ila pamilya.
Yari ang kabug-usan nga statement sang INDOPACOM:
“On February 6, 2025, an aircraft contracted by the U.S. Department of Defense crashed in the Philippine Province of Maguindanao del Sur.
The aircraft was providing intelligence, surveillance, and reconnaissance support at the request of our Philippine allies. The incident occurred during a routine mission in support of U.S.-Philippine security cooperation activities.
We can confirm no survivors of the crash. There were four personnel on board, including one U.S. military service member and three defense contractors.
The names of the crew are being withheld pending next of kin notification.
The cause of the crash is currently under investigation and we have no further details to release at this time.
Additional updates will be provided as they become available.”
Base sa report sang Star FM Cotabato, wala sang iban nga mga residente nga nasamaran sang natabo ang plane crash. Nadalahig naman ang isa ka karabaw nga yara sa talamnan.
Alas dos kahapon sang nakit-an sang mga residente ang pag-crash sang Raytheon Beechcraft King Air 300 nga may registration number nga N349CA. Ginaalegar nga halin sa Palawan ang aircraft antes ang insidente.
Padayon subong ang imbestigasyon nga ginahimo sang Civil Aviation Authority of the Philippines (CAAP).
