Ginapreparar na ang falsification charges batok kanday House Speaker Martin Romualdez, former House Appropriations Committee Chairman Zaldy Co, kag House Majority Leader Manuel Jose Dalipe may kaangtanan sa kontrobersiyal nga 2025 national budget.
Ang complaint ang ipasaka nanday former House Speaker Pantaleon Alvarez kag PDP member Atty. Jimmy Bondoc, sa suporta sang Citizen Crime Watch leaders Raul Lambino kag Atty. Ferdie Topacio.
Suno kay Alvarez, ang kaso nga ila ginapreparar ang indi natuhoy sa pulitika.
Pahayag niya, maathag nga sanday Martin Romualdez, Zaldy Co, kag Dalipe ang may kahimuan sa likod sang ginaalegar nga “blank items” nga nadiskubrehan sa General Appropriations Act (GAA) para sa 2025 nga napirmahan na ni President Ferdinand “Bongbong” Marcos Jr.
Ginsiling ang grupo nga si Marikina 2nd District Rep. Stella Quimbo ang nagbuyagyag sang mga blangko sa bicameral conference committee report sa 2025 national budget.
Pahayag ni Alvarez, ang insertions nagalab-ot sa P241 billion.
Suno naman kay Topacio, ang impeachment subong batok kay Vice President Sara Duterte ang pag-divert lamang sang kontrobersiya nga nagapalibot sa 2025 budget.
