Nagpaguwa na sang iya statement ang “friend” ni Philmar Alipayo nga nangin sentro man sang atensyon bangud sa ginaalegar nga pagbulagay sang champion surfer kag sang iya partner nga si Andi Eigenmann.
Suno kay Pernilla Sjoö nga isa ka Swedish underwater photographer, dapat nga untaton na ang pag-bash sa iya. Pahayag sini, indi siya makahangop kun ngaa tuman ang kaugot sang tawo sa iya.
“I’m still human. I still feel hurt. Stop bashing me,” suno kay Sjoö. Kuntani suno sa iya, makatulog ang bashers sang maayo bisan nakahibalo sila nga may tawo nga indi mahim-os kag indi makapahuway bangud sa ila mga pagpang-atake. Nag-apelar man ini nga kuntani mangin makatawo man sa isa kag isa.
“I just don’t understand why some people have so much hate in their minds and bodies. I hope that if you ever make a hurtful comment, you can still sleep peacefully at night and smile knowing you’ve caused someone pain,” kabahin sang post sini. “I hope you never become the reason someone cries themselves to sleep or questions their worth—asking why they weren’t good enough.”
“We’re all going through something. Can we at least try to be kinder to one another? Naman. I mean no harm to others. If you will be kind to me, and I assure you that I’ll be kinder to you. Never judge someone without knowing the whole story. You may think you understand, but you don’t,” dugang sini.
May separado nga post ini sang solid white background nga may caption “You always jump into conclusions before knowing the reason behind things.”
Nabukaran ang involvement ni Pernilla sa isyu nanday Andi kag Philmar matapos nakit-an nga nag-post ini sang ila picture sang surfer. Pareho sila nga may “224” tattoos nga nagakahulugan nga “Today, Tomorrow, Forever”.
Sa statement sang nagligad ni Andi, ginsiling sini nga wala nagluib si Philmar, apang gin-akusaran sini ang wala sini ginhingadlan nga babaye nga amo ang nagtraidor sa iya.
Indi maathag kun ano ang status sang relasyon nanday Andi kag Philmar, apang kun basehan ang statement ni Philmar, nagsiling ini sang nagligad nga semana nga mahimo na siya matawag sang publiko nga cheater kag malaw-ay.
Engaged sanday Philmar kag Andi halin sang 2020, may duha na ka mga bata, kag kalaslon na kuntani sang 2024 apang wala nadayon bangud napatay ang iloy ni Andi nga si Jaclyn Jose.
