Nagpangabay ang isa ka constitutional law expert sa publiko nga binag-binagon kun paano hatagan atensyon sang Senado ang impeachment complaint batok kay Vice President Sara Duterte.
Ini may kaangtanan sa pahayag ni Senate Presidente Francis “Chiz” Escudero nga indi sila makapatigayon sang impeachment trial VP sa Senado kontra kay Vice President Sara Duterte samtang on-break ang Kongreso.
Sa interview sang Bombo Radyo kay Atty. Michael Henry Yusingco, Senior Research Fellow sang Ateneo Policy Center sang Ateneo School of Government, iya ginpahayag nga diri matakos sang publiko kun ano ang prayoridad sang mga senador- kun ang personal nga mga interes sang mga senador ukon ang ila sinumpaan sa konstitusyon.
Suno kay Yusingco, repleksyon man ini sang kalidad sang mga opisyal nga gintugyanan sang mga pumuluyo sang responsibilidad agud unahon kuntani ang kaayuhan sang pungsod kag sang publiko, apang sa baylo, kaangay nga ginatalikdan nila ang ila sinumpaan sa konstitusyon.
