Nagpaandam si Ukrainian President Volodymyr Zelenskyy sa tanan nga world leaders batok sa pahayag ni Russian President Vladimiri Putin nga handa na ang Moscow nga tapuson ang giyera.
Ini kasunod sang maragtason nga development sang nagligad nga 24 oras nga naga- involve sang phone call sa tunga nanday US president Donald Trump kag sang Russian president sa katuyuan nga umpisahan ang peace talks.
Ginhimo ni Zelenskyy ang comment matapos ang iya pag-istorya kay Polish prime minister Donald Tusk sa telepono.
Una naman nagpaandam si Zelensky nga nagahanda man ang Russia nga magdeploy sang tropa sa Belarus nga possible gamiton para sa panibag-o nga giyera sa isa ka NATO country.
Suno sa iya nakuha nga impormasyon halin sa Ukrainian intelligence, si Putin ang nagaporma sang 10 tubtob 15 divisions nga ginabug-usan sang kapin 100,000 ka tropa nga ipadala sa Belarus para sa military exercises.
