Nagsugtanay ang mga pungsod sa Europa nga kinahanglan ang dalayon na nga kalinong sa Ukraine kag indi lamang ang pagpatuman sang ceasefire.
Ini ang pahayag ni Polish Prime Minister Donald Tusk matapos ang isa ka emergency summit sang mga European leaders nahanungod sa Ukraine.
Suno kay Tusk, mapag-on nga mga advocates sang permanente nga kalinong sa Ukraine ang European countries kag ang ceasefire ang indi garantiya sang stability kag security.
Ginpahayag man sang prime minister nga ang Europe kag ang United States ang kinahanglan nga mag-isa agud masiguro ang kalinong sa Ukraine.
Gindugang naman ni Tusk nga sa ila bahin, ang Poland ang magabulig sa Ukraine apang nanindugan nga indi ini magpadala sang mga suldado.
Suno pa sa iya, ang prayoridad nila ang paghatag sang logistics support kag humanitarian support.
