Ginaabisuhan ang mga magabyahe para sa mas mahal nga airfares sa masunod nga bulan matapos ginpataas sang Civil Aeronautics Board (CAB) ang fuel surcharge level para sa domestic kag international flights.
Sa advisory sang Board, ang passenger kag cargo fuel surcharge para sa domestic kag international flights ang i-set sa Level 5 para sa bilog nga Marso, nga mas mataas sa ginapatuman subong nga Level 4.
Sa idalom sang Level 5, ang mga pasahero magabayad sang ₱151 tubtob ₱542 sa fuel surcharges para sa domestic flights, depende sa distansya.
Para sa international flights, ang surcharge ang yara sa ₱498.03 tubtob ₱3,703.11.
Sa idalom sang Level 4, ang airlines makakolekta sang additional fuel fee para sa domestic flights nga ₱117 tubtob ₱342 para sa domestic flights, depende sa kalayuon.
Samtang ang surcharge para sa international flights ang naga-range halin sa ₱385.70 tubtob sa ₱2,867.82.
Ang fuel surcharge isa ka optional fee, nga wala nalakip sa base airfare, nga ginapasa sang mga airlines sa mga pasahero agud kuhaon diri ang dugang nga balayran gikan sa nagabag-o bag-og nga presyo sang jet fuel.
