Pilason ang isa ka pulis matapos nga natiruhan sa ginpatigayon nga buy bust operation sang Provincial Drug Enforcement Unit sa Trapiche, Oton, Iloilo.
Sa interview sang Bombo Radyo kay Police Major Rolando Araño, spokesperson sang Iloilo Police Provincial Office, iya ginpahayag nga samtang yara sa kustodiya sang pulis ang subject, hinali lang nga may lain nga tawo nga nagpalupok kag naigo ang isa ka pulis.
Suno kay Araño, bangud sa hitabo, nakapangita sang tsansa ang subject nga makapanginpadlos kag ginpahayag nga nagsulod sa isa ka balay kun sa diin ginapatihan yara man ang tawo nga nagpalupok sang pusil.
Gin-athag naman ni Araño nga luwas na sa katalagman ang amo nga pulis.
Sa subong, padayon pa ang negosasyon sang otoridad agud mapasungka ang subject.
