𝗜𝗟𝗢𝗜𝗟𝗢 𝗖𝗜𝗧𝗬 – Ginalauman nga mangin dako nga bulig sa pagpreserba sa lengwahe nga Hiligaynon ang application nga “Tuon ta!”.
Ini nga application ang gin-develop sang mga estudyante sang Bachelor of Elementary Education sa West Visayas State University.
Sa interview sang Bombo Radyo kay Dr. Maria Asuncion Christine Dequilla, Vice President for Academic Affairs sa WVSU, iya ginpahayag nga magluwas sa College of Education, nagbulig man sa nasambit nga application ang College of Information and Communication Technology.
Suno kay Dequilla, kaundan sang application ang maragtas sang Iloilo kun paano ginagamit ang Hiligaynon.
Ang nasambit nga application ang para sa mga kabataan halin sa Kindergarten tubtob Grade 3.
Kabahin sa application ang mga hampang, binalaybay kag pagtuon.
Nahibaluan nga nag-umpisa ang ila plano sang 2023 bag-o ini natigayon nga ipresentar sa publiko.
