Nalakip ang Filipino favorite multiplayer online battle arena (MOBA) games nga Mobile Legends: Bang Bang kag Honor of Kings nga i-feature sa 2026 Asian Games sa Aichi-Nagoya, Japan.
Gin-anunsyo sang Olympic Council of Asia ang 11 esports titles nga mangin event sa Games nga nagalakip sang duha ka hampang nga sikat sa mga Pinoy.
Magluwas sa MLBB kag HOK, ipresentar man sang Asian Games bilang medal games ang Pokemen Unite, League of Legends, PUBG Mobile: Asian Games Version, Identity V: Asian Games Version, Naraka: Baldepoint, Gran Turismo (7), Efootball Series, Puyo Puyo Champions, kag Competitive Martial Arts (Street Fighters Series, Tekken, and King of Fighter).
Nahibaluan nga ang Pilipinas ang ginbansagan bilang pinaka-successful nga pungsod sa MLBB, matapos nagdaug sang lima sa ulihi nga anom nga world championships kag nangin winningest nation sa Southeast Asian Games nga may tatlo ka straight gold medals.
Ang Esports una nga gin-feature sa Asian Games sang 2018 apang bilang demonstration sports lamang.
Ang Esports nahatagan sang full medal status sa 2023 edition sa China.
