Nagpahanumdom ang Department of Energy (DOE) sa publiko nga i-conserve ang konsumo sang kuryente bangud nagasugod na ang dry season sa pungsod.
Ginpahayag sang ahensya nga likawan ukon i-reschedule ang mga aktibidad nga nagakonsumo sang kuryente sa peak hours, halin alas 11 sang aga tubtob alas 9 sang hapon sa weekends kag halin alas 6 sang hapon.
Suno sa DOE, sa sini nga mga tion, ang konsumo sang kuryente yara sa pinakamataas, gani ang pagbalhin sang mga hilikuton nga nagakonsumo sang kuryente makabulig sa pagbuhin sang kabudlayan sa grid kag malikawan ang power shutdown.
Suno kay Energy Secretary Rapahel Lotilla, sa tion sang tig-ilinit, mas mataas ang demand sa kuryente, nga masami bangud sa paggamit sang mga cooling appliances pareho sang air conditioner, electric fan, kag refrigerator, nga mahimo mag-strain sa power grid, nga posible magdul-ong sa mga problema sa suplay kag pagbag-obag-o sang presyo sa spot market.
