Nagpahayag sang intensyon si Pope Francis nga maghatag sang iya Easter Sunday blessing.
Ini ang gin-anunsyo sang Vatican samtang nagapadayon ang recovery sang santo papa gikan sa ginasuprir nga pneumonia.
Wala naman ginmitlang sang Vatican kun pangunahan man ni pope ang iban nga selebrasyon.
Una na nagtuga sang pagpangduha-duha sa publiko ang posibilidad sang iya partisipasyon para sa selebrasyon sang Easter, ang pinakabalaan nga tion sa Christian calendar, nga maga-culminate sa Abril 20.
Ang kalendaryo para sa liturgical celebrations nga ginbalhag sang Vatican ang wala nagamensyonar sang presensiya sang pope apang naglakip ini sang solemn blessing nga “Urbi et Orbi” (To the City and the World).
Ini ang tradisyonal nga ginahatag sang santo papa halin sa balcony sang St Peter’s Basilica kun Easter Sunday kag Christmas Day.
Ginkumpirma man sang Vatican nga ang Holy Week celebrations, kalakip na ang Stations of the Cross sa Colosseum sa Roma, ang madayon apang wala ginhambal kun sin-o ang maga-preside.
