Amat-amat na nga nagablik sa normal ang dalagan sang pagpangabuhi sa Thailand kasunod sang pagluntad sang 7.2 nga linog nga nagkuha sang linibo ka mga kabuhi.
Sa interview sang Bombo Radyo kay Bombo Cleo Rose Jondonero, Bombo International Correspondent sa Thailand, iya ginpahayag nga kasunod sang linog, apektado ang operasyon sang mga hospital, condominium, samtang kalabanan sa mga imprastruktura ang nagkalaguba bangud sa impact sang linog.
Suno kay Jondonero, ang klase sa amo nga pungsod ang natapos na ang school year, apang may mga estudyante sa gihapon nga may summer classes.
Ginpahayag man sini nga kasunod sang hitabo, may ginpatigayon nga earthquake drills agud preparahan ang mga aftershocks.
Wala na man sang may naguba nga mga dalan sa lugar apang, may mga building nga nagkalalitik.
Nagapabilin naman nga aligmat ang residente kasunod sang pagpaguwa sang advisory sang gobyerno sang Thailand sa posible nga pagluntad sang aftershocks.
Nahibaluan nga sa sulod sang isa ka siglo, ini ang ginakabig nga pinakamasbakog nga linog nga nag-igo sa amo nga pungsod.
