Yara na sa 80% ang kahandaan sang House of Representatives’ prosecution panel para sa impeachment trial ni Vice President Sara Duterte.
Sa interview sang Bombo Radyo kay Rep. Lorenz Defensor nga myembro sang team, iya ginpahayag nga nakapatigayon na sila sang mock trials agud mabatyagan nila kun ano gid ang impeachment proceeding.
Suno kay Defensor, katuyuan man sini nga makapreparar sang isabat ang House prosecutors kun kwestyunon sang members sang defense team ang mga ebidensya kag mga testigo.
Pahayag sang mamalidha, ginaprepar man nila ang testimonial kag documentary evidence.
Gin-ako ni Defensor nga wala nangin mahapos ang pagpreparar para sa impeachment trial samtang masako man sila sa kampanya sa eleksyon.
Matandaan nga Pebrero 5 sang gin-impeach sang House si Duterte matapos nga 215 ka mga kongresista ang nag-file kag nag-verify sang fourth impeachment complaint.
Kabahin sang complaint ang alleged misuse sang confidential funds; pamahog sa mga opisyal sang gobyerno kalakip na si President Ferdinand Marcos Jr.; kag conduct unbecoming of a vice president.
Ang Articles of Impeachment ang gilayon nga gin- transmit sa Senado.
Ang Constitution naga-require nga magsugod gilayon ang trial kun at least one-third sang tanan nga House members — sa sini nga kaso, 102 gikan sa 306 — ang nagpirma kag nag-endorso sang petisyon.
Sa idalom sang Constitution, ang Senado ang magaserbe nga impeachment court, samtang ang mga senador ang magapungko bilang mga huwes.
