Nakita na ang lalaki nga ginaalegar naglumpat sa Iloilo River kaina sang kaagahon matapos ginpulihan kag ginapahayag nga nabun-an sang mga lalaki sa Iloilo City Proper bangud sa isyu nga nag-ugat sa transaksyon sa commercial sex workers.
Ini amo si alias Archie, 38, nga isa ka manugbaligya sang ice cream.
Sa interview sang Bombo Radyo kay alias Darwin, manghod ni alias Archie, dako ang pilas sa ulo sang iya manghud.
Suno kay Darwin, nakapauli na sa iya balay si alias Archie kag naga-inom-inom.
Antes na-missing si Archie, naglabay sila sa downtown area kag sa alegasyon ni Darwin, naga-istorya sila sa commercial sex workers sang may nagpalapit nga mga lalaki kag ginpulihan sila ukon ginsapote.
Ginaalegar nga nagbaisay pa sila sa presyo kag may natabo pa nga ayu-anay apang wala nag-intindihanay.
Wala nakilala ni Darwin kun sin-o ang mga lalaki pero nagapati ini nga mga bana ini ukon nobyo sang mga commercial sex worker.
Sang ulihi, nabun-an si Archie sa ulo kag ginsakay ini sa tricycle.
Ginaalegar nga sang malapit na sa taytay, nagdalagan ini sa suba kag naglumpat.
