Nagsaka na sa 124 ang patay sa pag-collapse sang atop sa isa ka bantog nga nightclub sa kapital sang Dominican Republic.
Suno kay Juan Manuel Mendez, head sang emergency operations center sang amo nga pungsod sa North America, nagakinahanglan ang rescue workers sang 24 tubtub sa 36 oras para nga makumpleto ang ila pagpangita sa mga bangkay ukon posible nga survivors.
Nag-deploy man ang emergency crews sang dalagku nga machinery para nga mapadasig ang recovery efforts.
Sa bilog nga gab-i sang Myerkules, naghinulat man ang mga pamilya sa guwa sang Jet Set nightclub sa Santo Domingo samtang nagahulat sang balita kun ano na ang natabo sa ila nga mga himata.
Masobra 150 ka mga tawo ang na-rescue halin sa amo nga lugar sang Martes, apang halin sang hapon sang amo nga adlaw, wala na sang may nakit-an nga survivors.
Natabo ang trahedya kadungan sang konsyerto sang popular nga Dominican merengue singer nga si Rubby Perez. May mga pulitiko, mga atleta kag iban pa nga prominent figures nga nagtambong sa event apang nag-collapse ang atop sang tungang gab-i, kag mangin ang lead singer ang isa man sa nakumpirma nga biktima matapos na-recover ang iya lawas sang Myerkules sang aga.
