Indi sa gihapon matumod sang organizer sang Team Sulong Gugma kon ano ka lawig ang proseso sang pagkuha sang permit sa Iloilo City Hall agud nga makapatuman sila sang caucus sa pila ka barangay sa Iloilo City.
Sa interview sang Bombo Radyo kay Jan Jester Ponsaran, organizer sang Team Sulong Gugma, iya ginpahayag nga may duha sila ka options antes magpatigayon sang amo nga aktibidad.
Una, nagapadala sila sang letter sa punong barangay kon sa diin sila magpatuman sang caucus, kag ang ika-duha amo ang pagpasa sa gihapon sang letter sa punong barangay apisar nga sa pribado nga lugar sila magahiwat sang aktibidad.
Suno kay Ponsaran, ang mga barangay opisyal nga ila ginakuhaan sang permit ang wala nagapugong sa ila kag gina-akomodar ang ila nga aktibidad.
Apang, sa pag-abot sang ila letter sa city hall, didto na kag nagalawig ini, rason nga may mga tion nga indi sila makakuha sang permit.
Ginpasigurado man sang natungdan nga kompleto gid ang mga dokumento nga ila ginapasa antes magpatuman sang campaign rally.
