Padayon nga nagabuga sang madamol nga abo ang Bulkan Kanlaon sa Negros Occidental.
Suno sa Philippine Institute of Volcanology and Seismology (PHIVOLCS), nag-umpisa ang pagbuga sang abo 11:52 subong nga aga.
Nagdangat naman sa 800 meters ang kataason sang abo halin sa crater sang bulkan.
Ginahuyop naman ang abo pa-nakatundan naaminhan-nakatundan.
Ginapanugyanan naman ang mga residente sang La Carlota City, Bago City, kag mga kaiping nga banwa nga maghanda kag maghalong bangud ginalauman ang pagdamo sang abo sa ila lugar.
Nagapabilin naman sa Alert Level 3 ang estado sang Bulkan Kanlaon, nga nagakahulugan nga may mataas nga posibilidad nga may mga masunod pa nga paglupok nga matabo.
Gina-abisuhan naman ang publiko nga likawan ang pagpalapit sa 4-kilometer permanent danger zone sa palibot sang bulkan.
