Wala na nakasaka sa stage sa graduation ceremony ang estudyante nga si Khentjoy Balsomo Beatisula, 20, residente sang Brgy. Fatima, General Santos City, South Cotabato matapos ginbawian sang kabuhi.

Suno kay Alyas Panny, iloy sang biktima, nauna na nga nagkadto ang anak sa Banisil National High School sang alas-3 sang hapon para sa graduation rites.

Makaligad ang pila ka minuto, nakibot nalang ini sang nakit-an nga nagahigda sa salog kag may pilas sa tuhod kag kilay ang iya anak.

Sa imbestigasyon sang Fatima Police Station, naggwa nga nakadasma kag nag-igo ang estudyante sa semento.

Ginkumpirma man sang PNP nga wala sang foul play sa kamatayon sang estudyante.

Nadala pa ini sa ospital apang gindeklarar nga dead on arrival.